2009/04/14

Literatura na televisión


Ola de novo! De volta das vacacións de Semana Santa, sempre tan curtas... tócanos choiar outra vez. Menos mal que temos os libros para escapar a outros mundos de cando en vez, non? Aquí vos deixo dúas recomendacións de programas de televisión sobre literatura, onde podedes atopar entrevistas, reportaxes e recomendacións. Tendes os enlaces na barra de ferramentas, xa sabedes, á vosa dereita. Botádelles unha ollada, seguro que atopades cousas interesantes!!!
A primeira imaxe corresponde a un programa da televisión arxentina, bastante gamberro. En cada capítulo, sempre moi breve, plantéxase un problema, que os protagonistas poderán resolver grazas á literatura. Con esta excusa recoméndanse libros, visítanse librerías e ofrécese información sobre obras e autores.

Esta outra pertence a un programa sobre libros que se emite actualmente na televisión pública española os domingos ás 20.30h, afortunadamente internet nos permite velo noutro horario e non á hora do paseo/deberes! Aquí atoparedes entrevistas con autores moi diversos, moitos xa vellos coñecidos para vos (Amélie Nothomb, Manuel Rivas, Paul Auster, Luis Sepúlveda, Vargas Llosa, Eduardo Mendoza, Laura gallego...); recomendacións de lecturas, reportaxes (incluso un sobre vampiros na literatura), películas baseadas en libros e mesmo un concurso de microrelatos. ¿Coñecíadelo xa?
Cristina

Ningún comentario: